MIRROR四子登THE FIRST TAKE獲鏡粉讚表現好，姜濤認唱功有好大進步空間，經常會搶拍！

By raina on 18 May 2023

Digital Editor

日前MIRROR的四位成員，包括姜濤、盧瀚霆（Anson Lo）、柳應廷（Jer）、李駿傑（Jeremy）一同登上日本人氣音樂頻道《THE FIRST TAKE》合唱英文團歌《Rumours》，大量鏡粉聽後都大讚四子表現很好！

MIRROR四子重新演繹《Rumours》

日前MIRROR四位成員包括姜濤、Anson Lo、Jer、Jeremy登上日本音樂頻道《THE FIRST TAKE》合唱英文團歌《Rumours》，在昨晚九時在youtube上架，截至現時不足24小時已高達43萬的播放次數了。經重新編曲後的《Rumours》節奏較簡潔，同時又加入了大量和音，讓人耳目一新，令大批鏡粉都表示「很好聽」！

Jer幾乎包辦所有高音部份

在今次的演出中，Jer幾乎包辦整首歌的高音部份，但他仍然表現得十分良好，不愧是MIRROR之中被評為唱功最好的成員。Jeremy的表現則一如既往的穩定。

Anson Lo也全程表現得十分淡定，就連rap的部分都念得相當流暢。至於姜濤在演唱頭一兩句時則有點小緊張，不過之後也愈趨穩定，整體表現可謂相當良好！

MIRROR四子分享感受

Anson Lo說：「好榮幸！眾所周知，上得FIRST TAKE都係好有經驗、有實力嘅歌手，亦係好出名嘅團體，所以有機會參與到呢次project，係人生嘅里程碑。」之後姜濤表示：「知道FIRST TAKE係一個喺亞洲知名度好高嘅音樂節目，而且過去邀請到嘅歌手都好有實力，所以冇諗過自己會上呢個節目，好期待世界各地嘅觀眾睇完我哋表演後嘅Feedback。」

Jeremy則說：「今次編曲比較乾淨同Soft，用咗好多和音。本身12個人唱力量好大，而家得我哋4個去做呢件事，就諗咗唔同嘅和音令件事更豐富。」Jer就指：「MIRROR少唱和音，通常喺台上表演都好大力跳舞，今次為咗呢個Version練咗好多和音，學咗好多、唱咗好多，大家喺聲音上都有好大進步。」

即睇更多人氣文章：

7款秋日超顯白髮色推介奶茶灰棕/蜜糖橘棕/珍珠米粽瞬間提亮膚色

日本超夢幻童話小鎮仿佛踏入哈利波特魔法世界簡直人間仙境

Jeremy覺得姜濤可以表現更好

之後姜濤再補充，稱自己在團隊中唱功不是最叻，亦有很大進步空間，而且本來又較少唱英文歌，所以演唱過程中有點生硬。再加上他又稱自己在四子之中是最容易有失誤的人，通常會容易搶拍，唱歌的臉部表情又不太好，但他又認為：「喺一個注重聲音嘅節目入面，自己嘅聲音、拍子係準確就得！」

Jeremy亦覺得姜濤表現可以更好，他說：「姜濤喺綵排嘅時候能量係好好，但一到Studio就僵咗！」，旁邊的Jer聽後都表示認同：「佢真係變咗『僵』濤！」

網民大讚四子表現非常好

不過大批鏡粉都認為第一次上《THE FIRST TAKE》有這樣的表現已經相當好，留言大讚：「Jer靚聲，肢體語言又好睇，Jeremy嘅高音好靚」、「Jer+Jeremy完全控制到個節奏，AL都進步左好多」、「anson lo rap得好好聽」、「Jer好enjoy、Jeremy唱得好自然，整體好好」、「Jer帶得好好，和音一流，高音超正」、「姜濤唱得非常到位，聲音又好聽，咬字清晰」等。