《福祿壽訓練學院》組9人男團力抗「LOONG 9」! 神還原男團韓式呼吸，擺李佳芯上枱直指她「未融晒雪」!

由阮兆祥、王祖藍、李思捷主持的TVB綜藝《福祿壽訓練學院》自開播以來話題不斷！最新一集更大玩「頒獎典禮」主題，惡搞歌影視作品的提名片段。疑似與ViuTV直播的《第42屆香港電影金像奬》對撼！

組9人男團力抗「LOONG 9」

TVB與內地合辦的選秀節目《亞洲超星團》最後選出了9位練習生組成男團「LOONG 9」出道。 因為團名「LOONG 9」的名字太過特別，因此一出道便掀起全城抽水熱潮。而節目《福祿壽訓練學院》則大玩自抽！阮兆祥在節目裏組成9人男團「KOWLOON」力抗「LOONG 9」。除了外型跟足「LOONG 9」成員外，他們更跳唱《亞洲超星團》主題曲《閃耀/Shining》。不但舞步手勢都跟到十足十，更「神還原」成員們的韓式呼吸，真的超級搞笑！

擺李佳芯上枱直指她「未融晒雪」

而李思捷模仿李佳芯(Ali)於劇集《智能愛人》的「智能人」角色亦同樣大受觀眾喜愛！節目裏李思捷不但把劇名改成《智能雪人》，更直言自己「未融晒雪」！疑似暗寸Ali被TVB雪藏一事：「啱啱先由個雪柜行出嚟，所以我覺得有啲凍」! 之後李思捷換衫時被打格仔，他更笑說：「唔緊要啦，我都慣咗打格仔㗎啦，仲可以打埋塊面添。」疑似影射Ali被內地平台打格仔一事。影片最後李思捷再度表示：「拍劇集，做綜藝。拍劇集，做綜藝。對唔住，我啱啱解完凍，啲雪仲未融晒。」攞正牌狂寸Ali！

網民笑說：抽到乾晒！

節目播出後，不少網民都激讚節目非常精彩！大讚他們真的「神還原」角色：「佢哋扮得勁似」、「竟然跳得比原版仲齊，笑死，推到出道」、「跳得好過原版LOONG 9 ，阮兆祥好厲害跳得超好！」、「而家我正式宣佈： 『KOWLOON正式出道』」。不少網民更表示節目非常大膽：「抽到乾晒！」、「ali都抽！」、「明串tvb！超正」、「咁玩得！唔怪之得節目咁好睇」等等。

Text: GirlStyle Editorial
Photo Source: 《福祿壽訓練學院》節目截圖